SÝNING OG  TÓNLEIKAR

Viðfangsefni sýningarinnar eru tilviljunarkennd atriði á leiksviði hversdagslífsins

Lífið er eins og leikrit á risastóru sviði, þar sem fjölskrúðugir, litríkir skemmtikraftar túlka hversdagsleg augnablik og flytja ómeðvitað margvísleg atriði á snilldarlegan hátt. Tilfallandi atburðir augnabliksins birtast á þessu leiksviði lífsins eins og áhrifamikil sjónarspil, hvert á eftir öðru. Atburðarásin er flókin og virðist stundum spunnin í hita átakanna.  Á sama tíma virðast hins vegar þessir ómeðvitað sköpuðu gjörningar og óviljandi „sviðsleiksýningar“ vera vel ígrundaðar uppsetningar, vandlega hugsaðar og skipulagðar af skýlausri umhyggju. Oft kemur fram kunnuglegur mannskapur, skrautlegar persónur og undarlegar týpur birtast í fjölmörgum hlutverkum. Líklega eru þetta vinsælu hlutverkin á víðfeðmu leiksviði örlaganna – eða er allt í raun bara eins og brúðuleikhús í þessu jarðneska lífi?

Teikningar: Copyright © Salbörg Hotz

Margar skopmyndanna eru úr áralöngu safni af skissum og teikningum, en flestar myndanna eru einnig frá nýrri tímum. Teikniblýantarnir hafa alltaf verið tileinkaðir handverkinu og framleiða línur og strokur sem "skrásetja" ýmsar hversdagslegar uppákomur á leiksviði lífsins. Línurnar birtast á auðu blaðinu og draga upp einstaka atburði, eða þær endurspegla einfaldlega hugdettur sem tiltekið ástand.